2022 жылғы 6-7 қазанда Минск қаласының Беларусь Республикасы Ұлттық Архивінің құрылғанына 100 жыл толуына орай салтанатты іс-шаралар өтті. Іс шараға ОМҒТҚА директоры Б.А. Жұматаева, ҚР ОМА директорының орынбасары М.Г. Жылысбаева және ОМҒТҚА бөлімінің басшысы Т.С. Жанайдарова Қазақстан Республикасының делегациясы болып қатысты.
Қазақстан делегациясының басшысы Б.А. Жұматаева беларусь әріптестерін мерейтойымен құттықтап, Қазақстан Республикасы Мәдениет және спорт министрлігі архив істері және құжаттаманы басқару комитетінің төрағасы Қ.К. Бораштың құттықтау мәтінін оқып, естелік сыйлық табыс етті.
Құттықтауда беларусь және қазақстандық архивистерді көп нәрсе біріктіретіні атап өтілді. Көптеген онжылдықтар бойы біз тығыз кәсіби байланыстарды сақтап, жұмыс тәжірибемізбен бөлісіп келдік. Біздің мемлекеттеріміз тәуелсіздік алғаннан кейін бұл байланыстар жойылған жоқ және ынтымақтастық өзінің жалғасы мен дамуына ие болып келеді. беларусь және қазақстандық архивистер архив жөніндегі ірі халықаралық форумдардың жұмысына, сондай-ақ көптеген екіжақты іс-шараларға қатысып, жинақталған тәжірибелерін алмасу тұрғысынан жемісті және тиімді қарым-қатынасты жалғастыруда. Бұған Қазақстан Республикасында өткізілетін халықаралық конференциялар мен семинарлардың жұмысына беларусь архивистерінің белсенді қатысуы және Беларусь тарапынан ұйымдастырылған іс-шараларға шақыруларын үлкен ықыласпен қабылдап, сөз сөйлеген Қазақстан архивистерінің белсенді жауабы дәлел.
Беларусь архивтерінде Қазақстан тарихына байланысты құжаттар мен материалдарды анықтауда беларусь әріптестеріміздің Қазақстан архивистеріне қолдауы ерекше аталып өтілді. Осындай жұмыстың нәтижесінде Беларусь Республикасы мен Қазақстан Республикасы арасындағы өзара қатынастар арқылы Қазақстан Республикасының Ұлттық архив қоры мемлекетіміздің тарихы жөніндегі бұрын белгісіз болған жаңа архив құжаттарымен толықтырылды.
Сондай-ақ, қазақстандық және Беларусь архивистері арасындағы кәсіби және достық байланыстардың алдағы уақытта да лайықты жалғасын табатындығына сенім білдірді.
Мерейтой аясында «Тарихтағы архивтер - архивтердегі тарих» атты Халықаралық ғылыми – практикалық конференция өтті. Қазақстан Республикасы атынан «Архив ісі және құжаттарды басқарудың қазіргі заманғы үрдістері мен даму перспективалары» секциясында «Қазақстан Республикасының қазіргі ақпараттық кеңістігіндегі Орталық мемлекеттік ғылыми-техникалық құжаттама архиві» тақырыбымен Б.А. Жұматаева және «Республикалық орталық мемлекеттік архиві құжаттарының ерекшеліктері мен көптілділігі» тақырыбында М. Г. Жылысбаева баяндама оқыды.
Беларусь және қазақстандық архивистерден басқа мерейтойлық іс-шараларға Ресей Федерациясы мен Өзбекстан Республикасының архив саласының өкілдері қатысты.