Қазақстан Республикасы Орталық мемлекеттік ғылыми-техникалық құжаттама архивінің қызметкерлері Т.Жанайдарова мен И.Ерғалиева «Алтыналмас АК» Акционерлік қоғамында болып, ұжымды 30 жылдық мерейтойымен құттықтады!
«Алтыналмас АК» АҚ асыл металдар мен асыл тастарды өңдеу, республиканың алмаз өнеркәсібін дамыту саясатын жүзеге асыру бойынша көптеген жұмыстар атқарып, Қазақстанның сауда-экономикалық дамуына өз үлесін қосуда.
Бай құжаттық қоры бар «АҚ Алтыналмас» Акционерлік қоғамы ОМҒТҚА толықтыру көзі болып табылады. Ол бүгінгі таңда архивті зерттеушілер пайдаланып жүрген деректік базамен толықтырды.
«АҚ Алтыналмас» АҚ әкімшілік департаментінің директоры Бегалин Ернар Алтайұлы құттықтау үшін архив басшылығына алғысын айтып, алдағы уақытта жемісті ынтымақтастыққа сенім білдірді.