2015 ж. 13 қарашасында ОМҒТҚМ өкілдері Алматы қ. Ғылым Ордасы ғимаратында өткен URBAN FORUM 2015 жұмысына қатысты. Форум қатысушылары: қала әкімдігінің өкілдері, тәуелсіз сәулетшілер, тарихшылар, социологтар, маркетологтар және кәсіпкерлер. URBAN FORUM 2015 шетелдік спикерлері: Meuser Architekten сәулет бюросының басқарушы директоры, DOM Publishers баспа үйінің басшысы, Берлин техникалық университетінің сәулет тарихы мен қағидалары саласы бойынша философия ғылымдарының докторы, Кеңес Одағындағы бұқаралық тұрғын үй құрылыс саласының сарапшысы Филипп Мойзер (2015 ж. шілде айында ОМҒТҚМ келіп Алматы қ. сәулет нысандарының жобаларымен танысты), британдық сәулетшілер Патшалық институтының (RIBA) халықаралық вице-президенті, сәулет магистрі, Шотландия сәулетшілері Патшалық бірлестіктігінің (RIAS) және Өнердің Патшалық қоғамының (FRSA) мүшесі Питер Оборн, дизайнер Сэм Галлэм, Atomik Architecture сәулет бюросының серіктес-негіздеушісі Майк Оудс.
URBAN FORUM 2015 тақырыбы - «Идентичность города Алматы». Форумның жұмысы 4 секция бойынша өтті. Форумның қорытындылары және сарапшылардың тұжырымдары қала әкімшілігінің және Алматы қаласының тұрғындарының назарына ұсынылады.