2023 жылдың 26 шілдесінде Қазақстан Республикасы Мәдениет және спорт министрлігі Архив істері және құжаттаманы басқару комитетінің Қазақстан Республикасы Орталық мемлекеттік ғылыми-техникалық құжаттама архивінің ҰАҚ толықтыру және ведомстволық архивтер бөлімінің қызметкерлері «Жалын» жауапкершілігі шектелген серіктестігінің іс жүргізуге жауапты өкілдері үшін ұйымға шығып кеңес берді.
Архив мамандарының мақсаты архив ісі саласындағы заңнама талаптарына сәйкес ведомстволық архив қызметкерлерінің кәсіби білімі деңгейін және біліктілігін арттыру болды. Атап айтқанда, архившілер ұйымның істер номенклатурасын әзірлеуде нормативтік-әдістемелік құжаттармен жұмыс жүргізу, оны дұрыс ресімдеу бойынша ұсыныстар берді. Қазақстан Республикасы Мәдениет және спорт министрінің міндетін атқарушының 2017 жылғы 29 қыркүйектегі №263 бұйрығымен бекітілген «Сақтау мерзімдерін көрсете отырып, мемлекеттік және мемлекеттік емес ұйымдар қызметінде жасалатын үлгілік құжаттар тізбесіне» енгізілген соңғы өзгерістер туралы айтып өтті.
Жұмыс барысында серіктестік архивариустерін толғандыратын ведомстволық архив, атап айтқанда архив жұмысы және іс жүргізу мәселелері бойынша пікір алмасу болып, оларға тұшымды жауаптар берілді.