Қазақстан Республикасы Үкіметінің құрылымында өзгерістер орын алды. Атап айтқанда, «Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы» Қазақстан Республикасы Президентінің 2023 жылғы 1 қыркүйектегі №318 Жарлығымен Қазақстан Республикасы Ақпарат және әлеуметтік даму министрлігі мәдениет саласындағы функциялар мен өкілеттіктерді бере отырып, Қазақстан Республикасы Мәдениет және ақпарат министрлігі болып қайта құрылды; тарихи-мәдени мұра объектілерін қорғау және пайдалану; кинематография; мемлекеттік рәміздер; архивтік құжаттама және құжаттаманы басқаруды қамтамасыз ету; электрондық құжат айналымы және электрондық архив; ономастика саласы; Қазақстан Республикасы Мәдениет және спорт министрлігінен шығармашылық салалар және шығармашылық қызмет нәтижелерін коммерцияландыру. Ал Қазақстан Республикасы Мәдениет және спорт министрлігі Қазақстан Республикасы Туризм және спорт министрлігі болып қайта құрылды.
Қазақстан Республикасы Президентінің 2023 жылғы 2 қыркүйектегі №330 Жарлығымен республикалық мемлекеттік органдарда үлкен тәжірибесі бар Балаева Аида Ғалымқызы Қазақстан Республикасының Мәдениет және ақпарат министрі болып тағайындалды.
Қазақстан Республикасы Орталық мемлекеттік ғылыми-техникалық құжаттама архивінің ұжымы Аида Ғалымқызын осы маңызды мемлекеттік қызметке тағайындалуымен құттықтап, Қазақстан халқының игілігі үшін табысты және жемісті қызмет тілейді.