2023 жылғы 27 қазанда Алматы қаласының архив мекемелерінің командалары арасында Қазақстан Республикасы Президенті Архивінің Кубогы үшін үстел теннисінен турнир өтті. Іс-шара Қазақстан Республикасының «Ұлттық архив қоры және архивтер туралы» Заңының қабылданғанына 25 жыл толуына арналған «Сақтаймыз және көбейтеміз» архив марафоны аясында ұйымдастырылды. Жарысқа өзге да сайыскерлермен қатар Орталық мемлекеттік ғылыми-техникалық құжаттама архивінің командасы да қатысты: А.А. Әділова, И.К. Ерғалиева, А.Ж. Молдағали, Н.Әбдірасіл.
Жарыста әйелдер арасында біздің команданың өкілі Ақбота Әділова 2-орынға ие болды. Оған Кубок, диплом және естелік сыйлық табыс етілді.