Өкінішке орай, жақында ғана біз, Орталық мемлекеттік ғылыми-техникалық құжаттама архивінің қызметкерлері, осы жылдың шілде айында дарынды журналист, іздеуші-зерттеуші, дара тұлға Дина Зейноллаевна Игсатованың бақилық болғанын білдік.
Дина Зейноллақызы өмірінің көп жылдарын Ұлы Отан соғысының сұрапыл жылдарында Ұлы Жеңіске баға жетпес үлес қосқан қазақстандықтарды іздеуге арнады. Отандастарымыздың майдан даласындағы ерліктері туралы бұқаралық ақпарат құралдарында көптеген жарияланымдардың авторы болды. Ол табиғаты мен тағдыры бойынша осынау қанды оқиғаларға қатысу емес, дүниеге ұрпақ әкеліп, шаңырағының ошағын күзетуі тиіс әйелдерге ерекше көңіл бөлді. Оның ізденісінің нәтижесі Динара Асановамен бірге жазған «Қазақстан әйелдері 1941-1945 жылдардағы соғыста» кітабы болды.
Ал кітаптың кейіпкерлері – әйелдер бомбалаушы полкінен атақты қазақстандық ұшқыш Хиуаз Доспанова, танкші қыздар Жамал Байтасова, Күлкен Тоқбергенова, Күлжәмила Талқанбаева және Жәмила Бейсенбаева; мерген Лидия Бакиева, майдан дәрігері Халида Маманова және тағы басқалар. Міне, Дина Зейноллаевнаның бастамасымен күш-жігерінің арқасында Қазақстан Республикасының Ұлттық архив қоры өмірі ғажайып оқиғаларға толы қазақ халқының даңқты қызы Халида Есенқұлқызы Маманованың жеке текті құжаттарымен толықты. Қазір құжаттары Орталық мемлекеттік ғылыми-техникалық құжаттама архивінде мемлекеттік сақтауда. Ал 2020 жылы архив қызметкерлері «Халида Маманова» атты құжаттар мен материалдар жинағын дайындап, басып шығарды.
Дина Зейноллаевна бізге бір емес бірнеше рет келіп, архив өткізген түрлі шараларға қатысты. Ол өзінің ізденіс жолында ешбір кедергіге бой алдырмай, кейінгі ұрпақтар отандастарымыздың ерліктерін білуге және осы Жеңіске қалай жеткендерін ұмытпауға баулыған жарқын және қамқор жан болды. Дина Зейноллаевна туралы жақсы естеліктер біздің жүрегімізде мәңгі сақталады!