Орталық мемлекеттік ғылыми-техникалық құжаттама архивінде онлайн форматта ZOOM конференц-платформасында «University Service Management» жеке мекемесінің қызметкерлеріне арналған «Ғылыми-техникалық құжаттаманы сақтау, есепке алу және пайдалануды ұйымдастыру» тақырыбында семинар өтті.
ОМҒТҚА қызметкерлері «Архив ісі және құжаттама саласындағы нормативтік құқықтық актілер», «Жобалау-сметалық құжаттама», «Жобалау құжаттарын ғылыми-техникалық өңдеу», «Құжаттарды сақтау тәртібі», «Ғылыми-техникалық құжаттаманы пайдалану», «Жобалық құжаттарды цифрландыру», «Электрондық архивті енгізу және дамыту мәселелері» тақырыптары бойынша ақпарат берді.
Семинар барысында ұйымдастырушылар «University Service Management» жеке мекемесінде архивтік іс жүргізуді ұйымдастыруға қатысты тыңдаушыларды қызықтыратын сұрақтарға жауап берді.