Орталық мемлекеттік ғылыми-техникалық құжаттама архивінің қызметкерлері Алматы қаласында Құрманғазы атындағы Қазақ ұлттық халық аспаптар оркестрі ғимаратында Қазақстан Республикасының Мәдениет және ақпарат министрлігін қолдауымен 2-ші рет өткізілген «Айбоз» Ұлттық әдеби сыйлығын табыстау салтанатты рәсіміне қатысты.
«Айбоз» ұлттық әдеби сыйлығы 7 номинация бойынша өткізілді: «Үздік проза», «Үздік поэзия», «Үздік балалар әдебиеті», «Үздік драматургия», «Үздік әдеби аударма», «Үздік әдеби сын» және «Үздік комикс» номинациялары. Әр аталым бойынша үздік атанған жеңімпазға 5 миллион теңге сыйақы тағайындалды.
Сыйлықты табыстау рәсімін құттықтау сөзімен ашқан ҚР Мәдениет және ақпарат вице-министрі Арман Жүдебаев «Үздік балалар әдебиеті» номинациясының жеңімпазы – «Концерт» шығармасының авторы Серік Асылбекұлына сыйлығын табыстады.