Қазақстан Республикасы Мәдениет және ақпарат министрлігі Орталық мемлекеттік ғылыми-техникалық құжаттама архивінің ұжымы Николай Петрович Кропивницкийдің қайтыс болуына байланысты қайғырып көңіл айтады.
Кропивницкий Николай Петрович 1950 жылы 26 маусымда РКФСР Киров облысы, Санчурский ауданы Матвинур ауылында дүниеге келген.
1975 жылы КСРО-ның 50 жылдығы атындағы Қостанай педагогикалық институтын «Тарих және педагогика» мамандығы, «Тарих пен қоғамтану мұғалімі, пионер жұмысының әдіскері» біліктілігі бойынша бітірген.
Еңбек жолын Соколов-Сарыбай тау-кен байыту комбинатында бастап, жұмысқа шыңдалған. Педагогикалық институтты бітіргеннен кейін архив саласына келіп, Қазақ КСР Орталық мемлекеттік архивінде және Қазақ КСР Министрлер Кеңесі жанындағы Бас архив басқармасында әртүрлі қызметтерді атқарды. 1981 жылдан 1984 жылға дейін және 1997 жылдан 2015 жылға дейін – Қазақ КСР ОМА директорының орынбасары. Қазақ КСР (Қазақстан Республикасы) Орталық мемлекеттік басқармасы директорының орынбасары. 1984 жылдан 1986 жылға дейін – Орталық мемлекеттік ғылыми-техникалық құжаттама архивінің директоры.
«Ерен еңбегі үшін» медалімен, министрліктің Құрмет грамоталарымен, «Архив ісінің үздігі» (КСРО) төсбелгісімен, Қазақстан Республикасы Мәдениет және спорт министрлігінің «Архив саласының үздігі» ведомстволық төсбелгісімен марапатталған.
Николай Петровичтің жарқын бейнесі біздің жүрегімізде мәңгі сақталады.