Дүниежүзілік Азаматтық қорғаныс күні қарсаңында 2024 жылғы 23 ақпанда сағат 10:00-де Алматыда жоспарлы жалпықалалық сейсмикалық оқу-жаттығу өтті. Алматы қаласы Төтенше жағдайлар департаментінің жедел тобы архив мекемелерінің қызметкерлері арасында ауқымды үгіт-насихат жұмыстарын жүргізді. Сейсмикалық оқу-жаттығудың негізгі мақсаты – қала тұрғындарының төтенше жағдайларда әрекет етуге дайындық деңгейін арттыру, тұрғындардың эвакуациялау жолдарын, қауіпсіз жерлерін анықтап, апаттық сөмкелерді алдын ала дайындау болды. Қауіпсіз жерлер электр желілері мен ғимараттардан алыс, ашық аумақтар болып саналады.
Орталық мемлекеттік ғылыми-техникалық құжаттама архивінің қызметкерлері сейсмикалық дайындыққа қатысып, эвакуация пункті болып табылатын М.Лермонтов атындағы Драма театры ғимаратының жанына тез арада жиналды.