2024 жылдың 29 ақпанында Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік ғылыми-техникалық құжаттама архивінде жұмыс сапарымен Архив, құжаттама және кітап ісі комитеті төрағасының орынбасары Роллан Қабылұлы Құспан болды.
Орталық мемлекеттік ғылыми-техникалық құжаттама архивінің директоры Баян Амантайқызы Жұматаева мекеменің негізгі қызметі жайында толыққанды ақпарат берді және архивтің бірегей құжаттарымен таныстырды. Сонымен қатар архивтік құжаттарды цифрлық форматқа ауыстыру үрдісі мен құжаттарды қалпына келтіру және дезинфекциялау зертханасының жұмысын көрсетілді.
Кездесу барысында архив ісі саласындағы көптеген мәселелер көтеріліп, төраға орынбасары олардың болашақта оң нәтиже табатынына сенім білдірді. Осындай маңызды мәселелердің бірі архив мекемелерінің ғылыми басылымдарын сақтаудың бір жолы ретінде мемлекеттік тапсырыс бойынша қайта басып шығаруын талқылау болды.