Новости:
14 наурыз 2024 жыл
2024 жылдың 14 наурызы күні Орталық мемлекеттік ғылыми-техникалық құжаттама архивінің қызметкерлері Қазақстан Республикасы Орталық мемлекеттік архиві мен Орталық мемлекеттік кино-фотоқұжаттар мен дыбыс жазбалар архиві ұжымдарымен бастауын сан мыңдаған ғасырлардан алатын және Наурыз мейрамының алғашқы мерекесі саналатын «Көрісу күні» ( «қауышу күні» деп аталатын) мерекесін атап өтті.
Жер бетіндегі тіршілік атаулы жаңаратын бұл кезеңді «Амал мерекесі» деп те атайды. Бұл күні халық қыстан аман-есен шыққанына, көктемге аяқ басып, туыс-туғанмен жүздескеніне қуанып, қол алысып, төс қағысады. Бір-біріне деген араздық, өкпе-ренішті ұмытып, амандық тілейді.
Барша архив қызметкерлері бір-бірімен төс қағыстырып, бір-біріне жақсылық тілеп, көрісу күнін атап өтті. Жас архившілер үлкендерге сәлем беріп, ілтипат көрсетті. Ұжымдастар бір-біріне «Жаңа жасыңыз құтты болсын!», «Жасыңызға жас қосылып, ғұмырыңыз ұзақ болсын!» деп тілек айтты.
Орталық мемлекеттік ғылыми-техникалық құжаттама архивінің директоры Баян Амантайқызы «Бұл дәстүр өскелең ұрпақты ізеттілік пен мейірімділікке, ауызбіршілік пен кішіпейілділікке, татулық пен бауырмалдыққа бастайтын тағылымы мол мереке. Бүл күн – жаңару мен жасампаздықтың ырыс пен берекенің бастауы», - деп айта келе барша әріптестерін Наурыздың алғашқы мерекесімен құттықтады. Қазақстан Республикасы Орталық мемлекеттік архиві мен Орталық мемлекеттік кино-фотоқұжаттар мен дыбыс жазбалар архивінің басшылары да Көрісу мерекесімен өздерінің жүрекжарды құттықтауларын жеткізді.


Все новости

Жаңалықтар

Показать все
10 шілде 2024 жыл
Бүгінде қоғам өмірдің барлық саласына еніп үлгерген цифрландыру дәуіріне көшуде. Бұл, мысалы, гаджеттеріміздегі цифрлық қызметтердің көмегімен күнделікті қажеттіліктерімізді қамтамасыз ететін қызмет түрлері.


05 шілде 2024 жыл
Қазақ поэзиясының ақыны Қадыр Мырза Әлі ағамыздың «Нағыз қазақ – қазақ емес, нағыз қазақ домбыра» сөздері ұлтымыздың бойтұмары – қазақтың қара домбырасының қасиетін ашып тұрғандай.


04 шілде 2024 жыл
Қазақстан Республикасы Үкіметінің 2019 жылғы 20 желтоқсандағы №953 қаулысымен бекітілген «Архив-2025» кешенді бағдарламасын іске асыру бойынша Қазақстан Республикасы Мәдениет және ақпарат министрлігі архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің қызметкерлері Әзербайжан архивтері, ғылыми орталықтары мен кітапханаларында құжаттар мен материалдар анықтау бойынша жұмысты бастады.


26 маусым 2024 жыл
Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің жұмыс тобы Грузияда Қазақстан тарихы қатысты құжаттар мен материалдар анықтау бойынша архивтерімен қатар кітапханаларында да жұмыс жүргізуде.


Яндекс.Метрика Разработка и поддержка: ntd.kz