Әр ұлтты ерекшелендіретін дәстүрлі құндылықтары, әр ұлттың қолтаңбасы іспетті дара әдет-ғұрпы, салт-санасы, ұлттық киімдері бар.
Қазіргі таңда заманауи стильде тігілген ұлттық киімдер сұранысқа ие бола бастады. Алайда оларға деген сұраныс артқанымен, белгілі бір мейрамдарда ғана тұтынатыны адамға ой салады.
Осыған орай Орталық мемлекеттік ғылыми-техникалық құжаттама архивінің қызметкерлері 2024 жылғы 18 наурызда ұлттық киімнің маңыздылығын насихаттау мақсатында «Ұлттық киім ұлықтау күнін» өткізді.
Архив қызметкерлері шараға белсенді қатысты. Олар әдемі ұлттық киімдер киіп, ұлттық нақыштағы әшекейлерді үйлестіріп таққанда осындай көрініс тек мерекелерде емес, күнделікті өмірімізге енсе екен деген ой келді.