Биыл Мемлекет басшысының ұсынуы бойынша еліміздің барлық өңірінде Наурыз мерекесі жаңа форматта өткізілуде. Наурызнама онкүндігі жарияланып, Наурыздың бірегей логотипі бекітілді және ондағы үш қызғалдақ Қазақстанның өткенін, бүгінін және болашағын бейнелейтіндей.
Наурызнамаға сәйкес 21 наурыз Ынтымақ күні болып белгіленді. Бұл күннің мақсаты – жалпы адамдар бір-біріне деген құрметті арттырып, бейбітшілік пен бірлікті насихаттау болып табылады.
Орталық мемлекеттік ғылыми-техникалық құжаттама архиві ардагерлерге қызмет көрсету бүгінгі ұрпақтың міндеті дегенді ұстана келе бүгінде архив саласында ұзақ жылдар бойы абыройлы еңбек етіп, архив ісін дамытуға өлшеусіз үлес қосқан сала ардагерлеріне мерекелерде сый-құрмет көрсетуді дәстүрге айналдырған. Сонымен қатар бұндай құрметті ОМҒТҚА қор құрушылары-еліміздің дамуына әр салада еңбек етіп үлес қосқан жеке тек қор құрушылар да бөленуде.
Архив қызметкерлері, әсіресе жас буын әрбір кездесу барысында тәжірибелері мол ардагерлерден кеңестер алып, архивші маманның жасаған еңбегі өте маңызды және абыройлы екендігіне көз жеткізеді. Ал бұл үрдіс өз кезегінде ұрпақтар сабақтастығын жалғайтынына сенім білдіреміз.