Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің қызметкерлері «Архив-2025» кешенді бағдарламасын іске асыру және Қазақстан тарихына тиесілі құжаттар мен материалдардың көшірмелерін анықтау мақсатында Ресей Федерациясының Мәскеу қаласындағы архив мекемелері мен кітапханаларында болып, Ресей мемлекеттік ғылыми-техникалық құжаттама архиві, Ресей мемлекеттік экономика архиві және В.И.Ленин атындағы кітапхана қорларындағы архив құжаттарымен танысып, құжаттарды анықтау бойынша ауқымды жұмыстар жүргізді.
РМҒТҚА қорларынан мынадай қызықты құжаттар мен карталар анықталды, мысалы, эпидемиологиялық жағдайды кешенді зерттеу есептері, паразиттік аурулармен күресу шараларын жүзеге асыру туралы есептер, кітаптар, карталар және т.б.