Новости:
28 наурыз 2024 жыл
Бүгінгі таңда мемлекетімізде шетел архивтері, ғылыми орталықтары мен кітапханаларында еліміздің тарихына қатысты тарихи мұрамыз болып табылатын құжаттарды анықтап, көшірмелерін алу үрдісі үлкен белең алуда. Осы орайда ежелгі дәуірден қазіргі заманға дейінгі кезеңді қамтитын барлық отандық және шетелдік архивтерде кешенді зерттеулер жүргізу үшін «Архив-2025» бағдарламасы үлкен рөл атқаруда. Бағдарламаны іске асыру жөніндегі 2020-2025 жылдарға арналған кешенді іс-шаралар жоспары аясында республика бойынша архив қызметкерлері мен тарихшылар шетелде құжаттар анықтау жұмысын жүргізуде. Болашақта жинақталған құжаттық деректер мен материалдар қалың жұртшылық назарына ұсынылатын болады.
Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің қызметкерлері Латвия Республикасының астанасы – Рига қаласындағы Латвия Ұлттық архиві мен мемлекеттік архивінде құжаттар анықтау жұмысын жүргізуде.
Қазақстандық делегация өкілдерін Латвия Ұлттық архивінің директор орынбасарлары Гатис Карлсонс мен Ингуна Слайдина, халықаралық қатынастар бойынша маманы Мелдра Усенко және кітапхана қызметкері Богданова Рита қарсы алып, архив қызметімен таныстыру мақсатында экскурсия ұйымдастырған.
ОМҒТҚА қызметкерлері еліміздің тарихи қазынасын құнды деректермен толықтыратын архив құжаттарын анықтау жұмыстарын белсенді түрде жүргізуде.


Все новости

Жаңалықтар

Показать все
10 шілде 2024 жыл
Бүгінде қоғам өмірдің барлық саласына еніп үлгерген цифрландыру дәуіріне көшуде. Бұл, мысалы, гаджеттеріміздегі цифрлық қызметтердің көмегімен күнделікті қажеттіліктерімізді қамтамасыз ететін қызмет түрлері.


05 шілде 2024 жыл
Қазақ поэзиясының ақыны Қадыр Мырза Әлі ағамыздың «Нағыз қазақ – қазақ емес, нағыз қазақ домбыра» сөздері ұлтымыздың бойтұмары – қазақтың қара домбырасының қасиетін ашып тұрғандай.


04 шілде 2024 жыл
Қазақстан Республикасы Үкіметінің 2019 жылғы 20 желтоқсандағы №953 қаулысымен бекітілген «Архив-2025» кешенді бағдарламасын іске асыру бойынша Қазақстан Республикасы Мәдениет және ақпарат министрлігі архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің қызметкерлері Әзербайжан архивтері, ғылыми орталықтары мен кітапханаларында құжаттар мен материалдар анықтау бойынша жұмысты бастады.


26 маусым 2024 жыл
Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің жұмыс тобы Грузияда Қазақстан тарихы қатысты құжаттар мен материалдар анықтау бойынша архивтерімен қатар кітапханаларында да жұмыс жүргізуде.


Яндекс.Метрика Разработка и поддержка: ntd.kz