Қазақстан архивтері» анықтамалығы

ҚР ОМҒТҚА Қазақстан Республикасы Мәдениет және спорт министрлігінің Архив істері және құжаттаманы басқару комитетімен бірлесіп «Қазақстан архивтері» анықтамалығының жаңартылған басылымын дайындап жарыққа шығарды.
Анықтамалық 2021 жылғы 1 қаңтардағы жағдай бойынша Қазақстан Республикасы Ұлттық архив қорында сақталған құжаттардың құрамы мен мазмұнын, сонымен бірге, республикадағы архив мекемелерінің қызметі туралы ақпараттар мен басқа да мәліметтерді ашып көрсетеді.
Басылым құрылымдық жағынан үш бөлімнен тұрады: бірінші бөлімде – республикалық мемлекеттік архив мекемелері, екінші бөлімде – облыстық және үшінші бөлімде – қалалық мемлекеттік архивтер (астаналық, республикалық бағыныстағы қалалар және облыс орталықтары) туралы ақпарат орналастырылған.
Анықтамалықта ғылыми-анықтамалық аппарат алғы сөзбен және мәтінде кездесетін қысқартылған сөздердің тізімімен ұсынылған. Жинақта республиканың архив мекемелері ұсынған фотоматериалдар берілген.
Анықтамалықпен жұмыс жасағандар: Қ.Қ. Бораш, Г.Е. Қарсақбаева, Б.А. Жұматаева, Ж.Ә. Қаламбаева, В.Е. Печерских, Н. Тұрсынбек.
Бұл анықтамалық құрал көпшілік оқырман қауымға, зерттеушілерге, тарихшылар мен студенттерге арналған.

Жаңалықтар

Показать все
10 шілде 2024 жыл
Бүгінде қоғам өмірдің барлық саласына еніп үлгерген цифрландыру дәуіріне көшуде. Бұл, мысалы, гаджеттеріміздегі цифрлық қызметтердің көмегімен күнделікті қажеттіліктерімізді қамтамасыз ететін қызмет түрлері.


05 шілде 2024 жыл
Қазақ поэзиясының ақыны Қадыр Мырза Әлі ағамыздың «Нағыз қазақ – қазақ емес, нағыз қазақ домбыра» сөздері ұлтымыздың бойтұмары – қазақтың қара домбырасының қасиетін ашып тұрғандай.


04 шілде 2024 жыл
Қазақстан Республикасы Үкіметінің 2019 жылғы 20 желтоқсандағы №953 қаулысымен бекітілген «Архив-2025» кешенді бағдарламасын іске асыру бойынша Қазақстан Республикасы Мәдениет және ақпарат министрлігі архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің қызметкерлері Әзербайжан архивтері, ғылыми орталықтары мен кітапханаларында құжаттар мен материалдар анықтау бойынша жұмысты бастады.


26 маусым 2024 жыл
Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің жұмыс тобы Грузияда Қазақстан тарихы қатысты құжаттар мен материалдар анықтау бойынша архивтерімен қатар кітапханаларында да жұмыс жүргізуде.


Яндекс.Метрика Разработка и поддержка: ntd.kz